Plantun de Prouvènço

Pèr coumpara dos planto d'encò nostre

Oxalis acetosella & Juniperus thurifera

Pan-de-cougiéu

Oxalis acetosella

Oxalidaceae

Àutri noum : Pan-de-couvènt, Pan-de-couguou, Pan-de-couènt, Crousadello, Pascalo.

Noms en français : Oseille des bois, Surelle.

Descripcioun :
Lou pan-de-cougiéu trachis en tapis dins li bos fres e umide de mountagno. Se recounèis à si fueio di tres fuioun en couor e à si pichòti flour clinado en campano blanco e veinado de roso. Flouris pèr Pasco (Pascalo).

Usanço :
Es uno planto manjadisso en ensalado o cuecho (soupo, oumeleto...). Douno un bon goust acide. Pamens faudrié pas trop n'en manja malodi l'acide óussali (graviho dins li ren). Lou pan-de-cougiéu se manjo en mountagno à la sourtido de l'ivèr pèr reviscoula lou cors. Èi couneigu peréu pèr sougna lis acamp de la bouco o dóu cors. Èi tambèn richo en vitamino C.

Port : Erbo
Taio : 3 à 12 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Oxalis
Famiho : Oxalidaceae

Ordre : Oxalidales

Coulour de la flour : Blanco
Petalo : 5
Ø (o loungour) flour : 12 à 20 mm
Flourido : Printèms

Sòu : Si
Autour basso e auto : 0 à 2200 m
Aparado : Noun
Abriéu à jun

Liò : Bos fres - Bos umide
Estànci : Mountagnard à Subaupen
Couroulougi : Bourealo
Ref. sc. : Oxalis acetosella L., 1753

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).